उर्लावारी नगरपालिका–४ की ३५ वर्षीया कुमारी महरालाई छुरा प्रहार गरी घाइते बनाएको आरोपमा प्रहरीले ४० वर्षीय पति सुमन महरालाई जेठ १६ गते गिरफ्तार गरेको छ ।
पीडितलाई घरायसी विवादका क्रममा मादक पदार्थ सेवन गरेका आरोपितले छुरा प्रहार गरी गम्भीर घाइते बनाएको इलाका प्रहरी कार्यालय उर्लावारी इन्स्पेक्टर मिलन थापाले बताउनु भयो ।
पेटमा छुरा प्रहार गरिएको र चोट गहिरो रूपमा लागेकाले पीडितको उपचार विराटनगर महानगरपालिका–३ स्थित नोवेल अस्पतालमा भइरहेको जिल्ला प्रहरी कार्यालयका डिएसपी दीपक श्रेष्ठले बताउनु भयो ।
पत्नीलाई जेठ १६ गते राति छुरा प्रहार गरेको स्थानीयले प्रहरीलाई सूचना दिएपछि आरोपितलाई राति नै अनुसन्धानका लागि घरबाटै गिरफ्तार गरेको प्रहरीले जनाएको छ ।