कटारी नगरपालिका–७ रिस्कुकी ७० वर्षीया मनमाया दनुवारलाई खुकुरी प्रहार गरी हत्या गरेको आरोपमा प्रहरीले २६ वर्षीय नाति रोहित दनुवारलाई जेठ १२ गते गिरफ्तार गरेको छ ।
अंशसम्बन्धी विवादमा आरोपितले जेठ १२ गते खकुरी प्रहार गरी हत्या गरेको जिल्ला प्रहरी कार्यालयका इन्स्पेक्टर मोहन थापाले इन्सेक प्रतिनिधिसँगको फोन सम्पर्कमा बताउनु भयो ।
हजुरआमाको हत्या लगत्तै फरार भएका आरोपितलाई कटारी नगरपालिका–७ रिस्कुमा लुकेर अवस्थामा अनुसन्धानका लागि गिरफ्तार गरेको इन्स्पेक्टर थापाले बताउनु भयो ।
शवको पोष्टमार्टम जेठ १२ गते कटारी अस्पतालमा गरिएको छ ।
पीडित पक्षले सोही दिन शव बुझी कटारी नगरपालिका–७ रिस्कुस्थित घाटमा सद्गत गरेको छ ।