कमलामाई नगरपालिकाको सहयोगमा निर्माण गरिएको सेफ हाउस (महिला सुरक्षा भवन) ०७८ चैत २९ गतेदेखि सञ्चालनमा आएको छ । हाल सो सेफ हाउसमा १४ जना हिंसा पीडित महिलालाई राखिएको छ ।
हिंसा पीडित ३५ वर्षीया महिलाले भाडाको घरबाट हालको भवनमा आएपछि आफूले थप सुरक्षित महसुस गरेको बताउनु भयो ।
भाडाको घरमा रहँदा अर्काले निगरानी गरेको छ कि भन्ने मानसिक तनावका साथै सुरक्षा चुनौति पनि रहेकोमा अहिल त्यो समस्या हटेको जानकारी दिनु भयो ।
कमलामाई नगरपालिकाको ८८ लाख ३६ हजार २७९ रुपैंया लागतमा सेफ हाउस निर्माण गरिएको उपमेयर मञ्जु देवकोटाले जानकारी दिनुभयो ।
हिंसामा परेका महिलाहरुलाई न्यायमा पहुँच पु¥याउनका लागि कमलामाई नगरपालिकाले आफ्नै लागतमा सेफ हाउस निर्माण गरेको पनि उपमेयर देवकोटाले बताउनुभयो ।
सेफ हाउसले हिंसामा परेका महिला र बालिकालाई समस्यामा परेको बेलामा राहत दिने उहाँको भनाई छ । उहाँले हिंसामा परेका महिला र बालिकालाई न्याय नपाएर समाजमा पुनःस्र्थापन नहुँदासम्म सेफ हाउसमा राखिने बताउनुभयो ।
यसअघि विभिन्न निकायको सहयोगमा कमलामाई नगरपालिका ६ मा भाडामा सेफ हाउस सञ्चालनमा ल्याईएको थियो । भवन निर्माण सम्पन्न भएपछि हाल सेफ हाउस आफ्नै भवनमा रहेको सञ्चालक गीता देवकोटाले जानकारी दिनुभयो ।
सेफ हाउसमा जिल्ला र जिल्ला बाहिरका पनि महिलाहरु राख्नु पर्ने हुँदा कहिले काही ठाउँ अपुग हुने गरेकोमा नगरपालिकाले सेफ हाउस निर्माण गरिदिएपछि समस्या हटेको उहाँले बताउनुभयो ।
महिला सुरक्षा भवनमा एउटा किचन, एउटा कार्यालय कोठा, हिंसामा परेका महिलाहरूलाई सिप सिकाउन एउटा तालिम सिक्ने हल र नौ ओटा कोठामा आवसको व्यवस्था मिलाईएको छ ।
सेफ हाउस सञ्चालनका लागि कार्यविधि बनाईने र सोहि अनुसार सञ्चालन गर्ने उपमेयर देवकोटाले जानकारी दिनुभयो ।
संधै नगरपालिकाले मात्र सञ्चालन गर्न सम्भव नहुने भएकाले यो महिला सुरक्षा भवन जिल्ला स्तरको बनाउने उहाँले जानकारी दिनुभयो ।
यहाँ कमलामाईमा हिंसामा परेका मात्र महिला नभएर जिल्ला भर र जिल्ला बाहिरका पनि महिलाहरू बस्नु पर्ने भएकाले महिला सुरक्षा भवन जिल्ला स्तरको हुने उहाँको भनाई रहेको छ ।
कर्यविधि बन्दै गरेको र नौ ओटै स्थानीय तहका प्रमुख/उप–प्रमुखसँग आवश्यक समन्वय भइरहेको उहाँले जानकारी दिनुभयो ।
आगामि दिनमा महिला सुरक्षा भवन जिल्ला समन्वय समिति सिन्धुलीको प्रमुख प्रमुख संरक्षक हुने र कमलामाई नगरपालिकाको मेयर/उपमेयर वा नगरपालिकाले तोकेको महिला जनप्रतिनिधि संयोजक रहने उहाँले जानकारी दिनुभयो ।
महिला सुरक्षा भवन भाडामा सञ्चालन गर्दा धेरै समस्या आएको र आफ्नै भवन भएपछि ती समस्याहरू समाधान भएको उहाँले जानकारी दिनुभयो ।