१२ वर्षीया बालिकालाई बलात्कार गरेको आरोपमा प्रहरीले तिनाउँ गाउँपालिका– १ कचलका ४८ वर्षीय कोशलबहादुर हिस्कीलाई चैत १७ गते कचलबाट गिरफ्तार गरेको छ ।
पीडितलाई आरोपितले चैत १५ गते बलात्कार गरेको भन्दै पीडित पक्षले चैत १७ गते जिल्ला प्रहरी कार्यालयमा उजुरी दिएका थिए ।
उजुरीका आधारमा आरोपितलाई गिरफ्तार गरी अनुसन्धान भइरहेको जिल्ला प्रहरी कार्यालयका डिएसपी रामेश्वर त्वातीले बताउनु भयो ।
पीडितको स्वास्थ्य परीक्षण चैत १७ गते पाल्पा अस्पताल पाल्पामा गरिएको छ ।