१४ वर्षीया बालिकालाई बलात्कार गरेको आरोपमा रामेछापको खाडादेवी गाउँपालिका–२ घर भई चाँगुनारायण नगरपालिका–२ झौखेल ठुटे इँटा भट्टामा काम गर्ने २८ वर्षीय दिनेश तामाङलाई प्रहरीले २०७८ चैत ९ गते इँटा भट्टाबाटै गिरफ्तार गरेको छ ।
पीडित बालिकालाई आरोपितले चैत ८ गते बलात्कार गरेको भन्दै आरोपितविरुद्ध पीडित बालिकाका आफन्तले चैत ९ गते महानगरीय प्रहरी परिसर भक्तपुरमा उजुरी दिएका थिए ।
आरोपितविरुद्ध भक्तपुर जिल्ला अदालतबाट चैत ९ गते जबरजस्ती करणी मुद्दामा पाँच दिनको म्याद थप गरी हिरासतमा राखेर कारबाही प्रक्रिया अगाडि बढाएको महानगरीय प्रहरी परिसरका डिएसपी राजु पाण्डेले जानकारी दिनु भयो ।
पीडित बालिकाको स्वास्थ्य परीक्षण चैत ९ गते भक्तपुर अस्पतालमा गरिएको छ ।