१२ वर्षीया बालिकालाई सुखिपुर नगरपालिका–६ का ४५ वर्षीय धनिकलाल यादवले यौन दुर्व्यवहार गरेको आरोपमा परेको उजुरी इलाका प्रहरी कार्यालय महेशपुर पतारले पुस १६ गते दर्ता गरेको छ ।
पीडित बालिकालाई आरोपितले मङ्सिर १५ गते यौन दुर्व्यवहार गरेको र स्थानीयले गाउँमै घटना मिलाउन छलफल भएकाले उजुरी दिन ढिलाइ भएको पीडित पक्षले जनायो ।
पीडित बालिकाकी आमाले रपितलाई कारबाहीको लागि इलाका प्रहरी कार्यालय महेशपुर पतारमा पुस १५ गते उजुरी दिएको बताउनु भयो ।
पीडित बालिकाको स्वास्थ्य परीक्षण जिल्ला अस्पताल सिरहामा पुस १५ गते गरिएको छ ।
इलाका प्रहरी कार्यालय महेशपुर पतारका इन्सपेक्टर बिरेन्द्र घिमिरेले आरोपित बिरुद्ध परेको उजुरी अनुसन्धान गरी दर्ता गरेको र आरोपित फरार रहेकाले खोजी कार्य सुरू गरिएको बताउनु भयो ।