जुगल गाउँपालिका–५ की कृषक सावित्री घिमिरेले लगाएको धान बालीमा डडुवा रोग लाग्दा के उपचार गर्ने भन्ने सल्लाह लिन कृषि प्राविधिक पाउनु भएन ।
कृषि प्राविधिकको सल्लाह नपाउँदा उहाँले खेतमा लगाएको धानमा डडुवा रोगले ग्रस्त बनाएर उब्जाउमा कमी हुने बताउनुभएको छ ।
कृषि प्राविधिकको सल्लाह लिएर उपचार गर्न पाएको भए धानमा लागेको रोग निको भएर बाला राम्रो लाग्थ्योेहोला । तर, प्राविधिक नपाउँदा यस वर्षको मेहनत खेर जाने हो की भन्ने चिन्त लागेको घिमिरेको गुनासो छ ।
‘माटो अनुसारको बालिनालि लगाउनहोस् वा लगाएको बालिनालिमा किरा लाग्दाहोस् के गर्ने भनेर प्राविधिकको सल्लाह पाइदैन’ । कृषक घिमिरेले गुनासो गर्नुभयो ।
सोही गाउँपालिका–४ का रुद्रप्रसाद अधिकारीको पनि गुनासो त्यस्तै छ । ‘खै अब त गाउँगाउँमा सिंहदरवार आयो भन्छन् । तर हामी किसानको खेतबारीमा लगाएको बालिमा रोगलाग्दा कृषि प्राविधिक पाएनौँ’ ।
भौगोलिक रुपले जिल्लाकै सबैभन्दा ठूलो गाउपालिका रहेको जुगल गाउपालिकाले “एक गाउ एक कृषि प्राविधिक” कार्यक्रम सञ्चालन गरिरहेको भनेपनि पर्याप्त कृषि प्राविधिक नहुदा कृषकहरुले प्राविधिक सेवा पाउन सकेका छैनन् ।
सात ओटा ओडा रहेको यस गाउँपालिकामा तीन जना मात्र कृषि प्राविधिकहरु रहेको गाउँपालिका उपाध्यक्ष सिर्जना तामाङले बताउनु भयो ।
भएका कृषि प्राविधिकहरु पनि कार्यक्रम अवधिभरका लागि मात्र करारका कर्मचारी भएको कृषि शाखा प्रमुख लालबाहादुर बयकले बताउनुभयो ।
तीनजना प्रविधिक मध्य पनि एक जनाले गाउँपालिकाको कृषि शाखामा बसेर प्रशासनको काम गरेर बस्नु पर्ने भएकाले दुई जना प्राविधिक किसानको खेतवारीमा पुग्न त परैजाओस सल्लाह लिन आएका कृषकहरुलाई सल्लाह दिन समेत नभ्याएको— प्रमुख बयकले बताउनुभयो ।
प्रयाप्त प्राविधिकहरुको अभावमा गाउँगाउँमा कृषि प्राविधिकहरु पठाउन नसकेको कृषि शाखा प्रमुख बयकले बताउनु भयो । किसानको खेतबारीमा पुगेर सेवा दिने भनिएको भए पनि प्राविधिकको अभावले सो पुरा गराउन नसकेको उहाँको भनाई छ ।
कृषकहरुको माग र भनाई जाहेज भएको बताउँदै गाउँपालिका उपाध्यक्ष तामाङले कृषकको माग सम्बोधन गर्न प्रयास गरिने बताउनुुभयो ।
समयमा मल विउ नपाउने समस्या त छँदैछ । तर, कृषकले लगाएको बालिमा रोग लाग्दा कृषि प्राविधिकको सल्लाह नपाउँदा यसपालिको धानको उत्पादनमा कमी अउने जिल्ला समन्वय समितिका उपप्रमुख बालकुमारी सापकोटाले बताउनु भयो । यो समस्या जिल्ला भरीको समस्या भएकाले केन्द्र सरकारले नै यो समस्यालाई समाधान गनुपर्ने उहाँको सुझाव छ ।