कोभिड–१९ विरूद्धको खोप लगाउन लाममा बसेको अवस्थामा बेहोस हुनु भएका रतुवामाई नगरपालिका–५ का ५२ वर्षीय धनबहादुर गुरुङको अस्पतालमा पुर्याउनासाथ मृत्यु भएको मोरङ कारागारले जनाएको छ ।
जिल्ला स्वास्थ्य कार्यालय मोरङले भदौ १ गते कारागार परिसरमा कोभिड–१९ विरूद्धको खोप सञ्चालन गरेको र खोप लगाउन लाममा बसेको अवस्थामा बेहोस भएका गुरुङलाई उपचारका लागि कोशी अस्पताल पुर्याउनासाथ मृत्यु भएको कारागारका जेलर रामप्रसाद पोखरेलले बताउनु भयो ।
गुरुङ दीर्घरोगी रहेको र कैद भुक्तान गर्न कारागार आएदेखि उनलाई वीपी कोइराला स्वास्थ्य विज्ञान प्रतिष्ठान धरानमा निरन्तर उपचार गराँईदै आएको जेलर पोखरेलले बताउनु भयो ।
कोभिड–१९ विरूद्धको खोप लगाउन लाममा बसेको अवस्थामा बेहोस भएका गुरुङलाई उपचारका अस्पतालमा ल्याउनका मृत्यु भएको कोशी अस्पतालमा मेडिकल सुपरिटेन्डेण्ट डाक्टर चुमनलाल दासले इन्सेक प्रतिनिधिसँगको फोन सम्पर्कमा बताउनु भयो ।
बलात्कार मुद्दामा जिल्ला अदालतबाट १० वर्षको कैद सजाय तोकिएका गुरुङ ०७४ वैशाख ५ गतेदेखि कारागार चलान भएर कैद भुक्तान गर्दै आएको जिल्ला प्रहरी कार्यालयका डिएसपी दीपक श्रेष्ठले इन्सेक प्रतिनिधिसँगको फोन सम्पर्कमा बताउनु भयो ।
शवको पोष्टमार्टम भदौ १ गते कोशी अस्पतालमा गरिएको र सोही दिन पीडित पक्षले शव बुझी लगेको डिएसपी श्रेष्ठले बताउनु भयो ।
जिल्ला कारागारका जेलर रामप्रसाद पोखरेललका अनुसार कारागारका ७ सय १५ जना पुरूष र १७ जना महिला गरि ७ सय ३२ जना कैदीबन्दीले कोभिड–१९ विरूद्धको खोप लगाएका छन् ।
२ सय ५० जनाको क्षमता रहेको मोरङ कारागारमा अहिले ९ सय ३७ जना कैदीबन्दी छन् ।