१४ वर्षीया बालिकालाई यौन दुर्व्यवहार गरेको कसुर ठहर गर्दै धनगढीमाई नपा–१२ का २३ वर्षीय सञ्जय मण्डललाई जिल्ला अदालतले साउन १७ गते एक वर्ष कैद तथा १० हजार रुपियाँ जरिबानाको फैसला गरेको छ ।
न्यायाधीश मनोजकुमार श्रीवास्तवको इजलासले सो फैसला गरेको हो । पीडितलाई १० हजार क्षतिपुर्तिको समेत फैसला भएको छ ।
पीडित बालिकालाई आरोपितले ०७७ साउन २५ गते यौन दुर्व्यवहार गरेको आरोपमा पीडित पक्षले इलाका प्रहरी कार्यालय लहानमा साउन २५ गते उजुरी दिएको थियो ।
पीडित बालिकाको स्वास्थ्य परीक्षण रामकुमार उमाप्रसाद अस्पताल लहानमा साउन २५ गते गरिएको थियो ।
इलाका प्रहरी कार्यालय लहानले आरोपितलाई साउन २५ गते गिरफ्तार गरेको थियो भने, आरोपित जिल्ला अदालतको आदेशमा भदौ १७ गतेदेखि पुर्पक्षका लागि थुनामा रहेको प्रहरीले जनाएको छ ।