१७ वर्षीया बालिकालाई बलात्कार गरेको आरोपमा प्रहरीले बैतडी जिल्ला दशरथचन्द नगरपालिका—९ निवासी धनगढी उपमहानगरपालिका—४ बस्दै आएका २३ वर्षीय जनकराज जोशीलाई साउन १० गते गिरफ्तार गरेको छ ।
बालिकालाई साउन ७ गते कोठामा बोलाएर बलात्कार गरिएकोले आरोपितविरुद्ध साउन १० गते जिल्ला प्रहरी कार्यलय, कैलालीमा उजुरी दिएको पीडितका बुवाले इन्सेक प्रतिनिधिसँगको फोन सम्पर्कमा बताउनु भयो ।
पीडित पक्षले दिएको उजुरीका आधारमा आरोपितलाई धनगढी उपमहानगरपालिका—४ बाट गिरफ्तार गरी अनुसन्धान भइरहेको जिल्ला प्रहरी कार्यालय, कैलालीका इन्स्पेक्टर प्रेम खड्काले इन्सेक प्रतिनिधिसँगको भेटमा बताउनु भयो ।
पीडितको स्वास्थ्य परीक्षण सेती प्रादेशिक अस्पताल, धनगढीमा साउन १० गते गरिएको इन्स्पेक्टर खड्काले बताउनु भयो ।