१२ वर्षीया बालिकालाई यौन दुर्व्यवहार गरेको आरोपमा इलाका प्रहरी कार्यालय कञ्चनरुप, सप्तरीले तिरहुत गाउँपालिका–३ गोइठीका २२ वर्षीय बेचन भनिने मिथलेश मण्डल धानुकविरुद्ध असार २४ गते उजुरी दर्ता गरेको छ ।
पीडितका बुबाले दिएको उजुरी दर्ता गरी थप अनुसन्धान थालिएको इलाका प्रहरी कार्यालय कञ्चनरुपका डिएसपी लोकनाथ तिम्सिनाले बताउनु भयो ।
पीडित बालिकालाई आरोपितले असार १८ गते यौन दुर्व्यवहार गरेको पीडित पक्षले आरोप लगाएको छ ।
पीडित बालिका चिच्याएपछि पुग्दा आरोपित छाना हुँदै हाम्फालेर फरार भएको पीडितका बुवाले बताउनु भयो ।
आरोपित भाग्ने क्रममा उनको दुई ओटा सिम भएको भिभो कम्पनीको फुटेको मोबाइल घटनास्थलमा फेला परेको प्रहरीले जनायो ।
पीडित बालिकाको स्वास्थ्य परीक्षण असार २४ गते गजेन्द्रनारायण सिंह अस्पताल राजविराजमा गरिएको छ ।