२५ वर्षीया महिलालाई सुरुङ्गा नपा–८ महुलीयाका ३३ वर्षीय राजकुमार दासले बलात्कार गरेको भनी पीडितले इलाका प्रहरी कार्यालय कडरबोनामा दिएको उजुरी असार २४ गते दर्ता गरिएको प्रहरीले जनाएको छ ।
पीडित महिलालाई आरोपितले चैत ९ गते बलात्कार प्रयास गरेको भन्दै पीडितले इलाका प्रहरी कार्यालय कडरबोनामा उजुरी दिएपछि चैत २८ गते गजेन्द्रनारायण सिंह अस्पताल राजविराजमा स्वास्थ्य परीक्षण गरिएको थियो ।
पछि कानुन व्यवसायीसहित पुगेकी पीडितले बलात्कारको उजुरी दिनु भएपछि पुनः वैशाख १४ गते राजविराजस्थित गजेन्द्रनारायण सिंह अस्पतालमा पीडितको स्वास्थ्य परीक्षण गरिएको छ ।
सुरूमा बलात्कार प्रयास भएको भनी पीडितले उजुरी लिएर आएको र पछि बलात्कारको उजुरी लिएर आएपछि दर्तामा ढिलाइ भएको इलाका प्रहरी कार्यालय कडरबोनाका इन्स्पेक्टर वीरेन्द्रकुमार पासवानले बताउनु भयो ।
आरोपित हालसम्म फरार रहेकाले खोजी कार्य भइरहेको उहाँले जानकारी दिनु भयो ।