पाँच वर्षीया बालिकालाई असार २३ गते बलात्कार गरेको भन्दै पीडितका आफन्तले १५ वर्षीय बालकविरुद्ध असार २४ गते जिल्ला प्रहरी कार्यालय सल्यानमा दिएको उजुरी दर्ता गरिएको इन्स्पेक्टर अर्जुन पौडेलले जानकारी दिनुभयो ।
बालिकालाई बलात्कार गरेको कुरा परिवारले थाहा पाएपछि आरोपितले असार २३ गते राति नै आत्महत्या गरेको अवस्थामा फेला परेको इन्स्पेक्टर पौडेलले जानकारी दिनुभयो ।
पीडित बालिकाको स्वास्थ्य परीक्षण असार २४ गते स्वास्थ्य सेवा कार्यालय सल्यानमा गरिएको र हाल बालिकाको अवस्था सामान्य रहेको अस्पतालका प्रमुख दशरथ श्रेष्ठले जानकारी दिनुभयो ।
‘जबरजस्ती तथा हाडनाता करणी’सम्बन्धी मुद्दा अन्तर्गत अनुसन्धान जारी रहेपनि आरोपितको मृत्यु भइसकेकाले अनुसन्धानपछि फाइल बन्द हुने सम्भावना रहेको प्रहरीले जनाएको छ ।