१२ वर्षीया बालिकालाई बलात्कार कसुरमा जिल्ला अदालत चितवनले भरतपुर महानगरपालिका –२ का ७२ वर्षीय पूर्णबहादुर बिकलाई २० वर्ष कैद सजाय हुने फैसला सुनाएको छ । तर, जेष्ठ नागरिकको हकमा आधा सजाय कार्यान्वयन हुने भन्दै अदालतले १० वर्ष कैद मिनाहा गरेको छ ।
जिल्ला न्यायाधीश हेमन्त रावलको ०७८ वैशाख १० गतेको इजलासले उक्त फैसला गरेको अदालतका सूचना अधिकारी श्रेष्तेदार इश्वर आचार्यले बताउनुभयो ।
बालिकालाई ०७७ साउन २१ गते नारायणी नदी किनारमा लगि बलात्कार गरेको भन्दै पीडित बालिकाकी हजुरआमाले बिकविरुद्ध साउन २३ गते जिल्ला प्रहरी कार्यालय भरतपुरमा उजुरी दिनुभएको थियो । बिकलाई प्रहरीले सोही दिन गिरफ्तार गरेको थियो ।
बालिकाको स्वास्थ्य परीक्षण साउन २३ गते नै भरतपुर अस्पतालमा गरिको थियो ।