१६ वर्षीया बालिकालाई यौन दुर्व्यवहार गरेको कसुरमा जिल्ला अदालतका न्यायाधीश शकुन्तला कार्कीको चैत १७ गतेको इजलासले खैरहनी नगरपालिका–३ का ४८ वर्षीय विष्णुबहादुर बानियाँलाई दुई वर्ष कैद र २० हजार रुपियाँ जरिबाना हुने फैसला गरेको छ ।
यौन दुर्व्यवहारको घटनामा आंशिक दावी पुग्ने फैसला अनुसार बानियाँलाई उक्त सजाय भएको अदालतका श्रेष्तेदार इश्वर आचार्यले जानकारी दिनुभयो ।
पीडित बालिकालाई बानियाँले ०७७ मङ्सिर २० गते यौन दुर्व्यवहार गरेको भनी पीडित आफैँले २३ गते इलाका प्रहरी कार्यालय खैरहनीमा उजुरी दिएकी थिइन् । बानियाँलाई प्रहरीले सोही दिन गिरफ्तार गरेको थियो । पीडितको स्वास्थ्य परीक्षण मङ्सिर २३ गते भरतपुर अस्पतालमा गरिएको थियो ।