बलात्कार घटना पीडित १७ वर्षीया बालिकालाई इन्सेकले मङ्सिर १९ गते आर्थिक सहयोग गरेको छ । बलात्कारबाट गर्भ रहेकी पीडितलाई उपचारका लागि जिल्ला प्रहरी कार्यालय, रुपन्देहीको सिफारिसमा १० हजार रुपियाँ सहयोग गरेको हो ।
पीडितलाई सियारी गाउँपालिका–७ चम्कीपुरका २० वर्र्षीय गोविन्द केवटले तीन वर्षदेखि बलात्कार गर्दै आएको भन्दै पीडितपक्षले ०७७ भदौ २ गते जिल्ला प्रहरी कार्यालयमा उजुरी दिएका थिए ।
पीडितले कात्तिक २७ गते छोरालाई जन्म दिएको र शल्यक्रिया पश्चात सङ्क्रमित भइ बुटवलस्थित सिटी अस्पतालमा उपचार भइरहेको छ । जिल्ला प्रहरी कार्यालयको सिफारिसमा इन्सेक रुपन्देही प्रतिनिधि मार्फत अस्पतालमै सहयोग रकम हस्तान्तरण गरिएको छ ।