नौ वर्षीया बालिकालाई बलात्कार गरेको आरोपमा प्रहरीले भारतको सितामढी थाना बथनाहा ग्राम पञ्चायत भुतही–५ हरीबेला घर भएका ५१ वर्षीय वीरेन्द्र साहलाई जिल्ला प्रहरी कार्यालयले कात्तिक १५ गते गिरफ्तार गरेको छ ।
पीडित बालिकालाई आरोपितले कात्तिक १५ गते बलात्कार गरेको पीडित परिवारको आरोप छ ।
पीडित परिवारले जिल्ला प्रहरी कार्यालयमा दिएको उजुरीका आधारमा आरोपित साहलाई प्रहरी चौकी जिरोमाइलबाट खटिएको टोलीले गिरफ्तार गरेको जिल्ला प्रहरी कार्यालयका डिएसपी मकेन्द्रकुमार मिश्रले बताउनु भयो ।
पीडित बालिकाको स्वास्थ्य परीक्षण कात्तिक १५ गते प्रादेशिक अस्पताल जनकपुरमा गरिएको छ ।