प्रदेश स्तरीय मानव अधिकार अनुगमन समितिमा इन्सेक प्रदेश ५ का संयोजक भोला महत मनोनित भएका छन् । वैशाख ४ गते बसेको प्रदेश स्तरीय बैठकले संयोजक महतलाई मनोनित गरेको हो ।
राष्ट्रिय मानव अधिकार आयोगले तयार पारेको कोभिड–१९ को सन्दर्भमा मानव अधिकार अनुगमन कार्यविधि अनुसार प्रदेश स्तरीय मानव अधिकार अनुगमन समिति गठन गरिएको छ ।
प्रदेश स्तरी अनुगमन समितिमा आयोगका प्रदेश कार्यालय प्रमुखको संयोजकत्वमा नेपाल बार एशोसियसन, नेपाल पत्रकार महासंघ र गैर सरकारी संस्था महासंघका प्रदेश अध्यक्ष वा महासंघले तोकेको प्रतिनिधि रहने गरी प्रदेश स्तरीय अनुगमन समिति गठन हुने र प्रदेश स्तरीय अनुगमन समितिमा थप सदस्यको आवश्यकता महसुस भएमा प्रदेशमा क्रियाशील एक जना मानव अधिकारकर्मीलाई प्रदेश समितिले मनोनित गर्न सक्ने व्यवस्था रहेको छ ।
उक्त व्यवस्था अनुसार प्रदेश स्तरीय समितिले अनुगमन समितिको कार्यविधि अनुसार इन्सेक प्रदेश कार्यालयलाई पनि मनोनयन गरेको छ । बैठकले विभिन्न निर्णय समेत गरेको छ ।