१३ वर्षीया बालिकालाई बलात्कार गरेको कसुरमा जिल्ला अदालतले मेचीनगर नगरपालिका–१० का २१ वर्षीय सुवास शाहलाई फागुन १६ गते सात वर्ष कैद सजायको फैसला सुनाएको छ ।
न्यायधीश सन्तोषप्रसाद पराजुलीको इजलासले कसुर ठहर गर्दै कैद सजायसँगै कसुरदारबाट ५० हजार रुपियाँ जरिबाना भराउन आदेश भएको छ ।
आरोपितले ०७६ भदौ ५ गते बलात्कार गरेको आरोपमा पीडित पक्षले आरोपित विरूद्ध भदौ ७ गते इलाका प्रहरी कार्यालय धुलावारीमा उजुरी दिएका थिए ।
प्रहरीले आरोपितलाई भदौ ७ गते गिरफ्तार गरी जिल्ला अदालतमा भदौ २५ गते बलात्कार शीर्षकमा मुद्दा दर्ता गरी कारबाही अघि बढाएको थियो ।
अदालतको भदौ २६ गतेको आदेशमा आरोपित पुर्पक्षका लागि थुनामा रहेका थिए ।
पीडित बालिकाको स्वास्थ्य परीक्षण मेची अस्पतालमा भदौ ७ गते गरिएको थियो ।