२१ वर्षीया शारिरीक अपाङ्गता भएकी महिलालाई बलात्कार गरेको कसुरमा अदालतले त्रियुगा नगरपालिका–७ चुहाडेका ५२ वर्षीय धनबहादुर दनुवारलाई माघ २३ गते नौ वर्ष कैद सजायको फैसला सुनाएको छ ।
न्यायधीश मनोज केसीको इजलास कसुर गरेको ठहर गर्दै पीडितले पाउने गरी कसुरदारबाट ५० हजार रुपियाँ क्षतिपूर्ति भराउन आदेश दिएको छ ।
आरोपितले ०७६ जेठ १२ गते बलात्कार गरेको आरोपमा पीडित पक्षले आरोपित विरूद्ध सोही दिन जिल्ला प्रहरी कार्यालयमा उजुरी दिएका थिए ।
आरोपितलाई प्रहरीले सोही दिन गिरफ्तार गरी कानूनी कारबाही अघि बढाएकोमा जिल्ला अदालतको असार ३ गतेको आदेशमा आरोपित तीन लाख रुपियाँ धरौटी बुझाएर तारेखमा रिहा भएका थिए ।
पीडित महिलाको स्वास्थ्य परीक्षण जिल्ला अस्पतालमा जेठ १२ गते गरिएको थियो ।