अपहरण तथा शरीर बन्धक घटनाका आरोपित विरूद्ध उजुरी दर्ता

२५ वर्षीया महिलालाई अपहरण गरी शरीर बन्धक बनाएको आरोपमा पीडितले लुम्बिनी साँस्कृतिक नपा–११ का ४५ वर्षीय राजमोन लोध, ३५ वर्षीय मुन्ना मुसलमान र पीडितका ४० वर्षीय दाजु विरूद्ध जिल्ला प्रहरी कार्यालयमा माघ २० गते उजुरी दर्ता गरेको छ ।
पीडितालाई ०७६ जेठ २७ गते आरोपितहरूले जिल्ला अदालत रूपन्देहीबाट तारेक लिएर फर्कदै गर्दा बाटोबाटै  अपहरण गरी मुखमा पट्टी बाधेर भारत पुरयाएको र माघ १० गते भाग्न सफल भएको  पीडितले बताउनु भयो ।
पीडितले दिएको उजुरीका आधारमा आरोपित विरूद्ध कारवाही अगाडि बढाइएको र आरोपितहरूको  खोजी कार्य भइरहेको जिल्ला प्रहरी कार्यालयका डिएसपी खडकबहादुर खत्रीले बताउनु भयो ।
पीडितको स्वास्थ्य परीक्षण माघ २० गते भीम अस्पताल, भैरहवामा गरिएको प्रहरीले जनायो ।