१८ वर्षीया बालिकालाई बलात्कार गरेको आरोपमा सुरुङ्गा नगरपालिका–५ कुशहाका २१ वर्षीय मो. अन्साद मियाँविरूद्ध इलाका प्रहरी कार्यालय कडरबोनाले पुस १४ गते उजुरी दर्ता गरेको छ ।
पीडित स्वयम्ले दिएको उजुरी दर्ता गरी आवश्यक कानुनी प्रकृया अगाडि बढाइएको इन्स्पेक्टर रामराजा केशरीले बताउनु भयो । आरोपितले मङ्सिर २८ गते विवाहको प्रलोभन दिई बलात्कार गरेको पीडितको आरोप छ ।
पीडितको राजविराजस्थित गजेन्द्रनारायण सिंह अस्पतालमा पुस १३ गते स्वास्थ्य परीक्षण गरिएको छ । घटनापछि गाउँघरमै छलफल गरी मिलाउने प्रयास असफल भएपछि मात्र ढिलो गरी उजुरी आएको जनाउँदै इन्स्पेक्टर केशरीले आरोपितको खोजी कार्य भइरहेको बताउनु भयो ।