१२ वर्षीया बालिकालाई बलात्कार गरेको आरोप लागेका भरतपुर मनपा–१३ का राजन बिकलाई चितवन अदालतका न्यायाधीश गायत्रीप्रसाद रेग्मीको इजलासले मङ्सिर ३० गते सात वर्ष कैद सजायको फैसला सुनाएको छ ।
पीडित बालिकालाई बिकले ०७५ कात्तिक २४ गते बलात्कार गरेको भनदै पीडित बालिकाका बाबुले कात्तिक २५ गते जिल्ला प्रहरी कार्यालय चितवनमा उजुरी दिनुभएको थियो ।
प्रहरीले बिकलाई ०७५ कात्तिक २५ गते नै गिरफ्तार गरेको थियो । पीडित बालिकाको स्वास्थ्य परीक्षण कात्तिक २६ गते भरतपुर अस्पतालमा गरिएको थियो ।