अधिकारकर्मी हतियारले नभइ विचारले लड्ने साहास राख्ने भएकाले अधिकारकर्मीको बल निकै ठूलो हुने राष्ट्रिय मानव अधिकार आयोगका अध्यक्ष अनूपराज शर्माले बताउनुभएको छ ।
७१ औँ अन्तर्राष्ट्रिय मानव अधिकार दिवस २०१९ तथा ११ औँ मानव अधिकार राष्ट्रिय महाभेला अन्तर्गतको तेस्रो दिन मङसिर २४ गते प्रभातफेरीपछि आयोजित सभामा उहाँले सो कुरा बताउनुभएको हो ।
मानव अधिकारका विषयमा सम्पूर्ण व्यक्तिले एक जुट भएर लाग्नु पर्ने भन्दै विभिन्न सङ्घ संस्थाहरूको सहभागितामा काठमाडौँमा प्रभातफेरी आयोजना गरिएको हो ।
उहाँले हतियारले ल्याएको तन्त्रको अन्त्य भएपनि त्यसले मानवको वास्तविक अधिकारलाई सुनिश्चित गर्न नसकेको र त्यसका लागि सबैले खबरदारी गर्नुपर्ने औँल्याउनुभयो ।
गैरसरकारी संस्था महासङ्घका अध्यक्ष जिताराम लामाले महिला, दलित, जनजाती जस्ता अलगअलग विषय उठाउनु भन्दा सम्र्पूण मानवको अधिकारको विषयमा सबैको स्वर एक भए मात्र अधिकार प्राप्तिमा ढिलाइ नहुने बताउनुभयो ।
दिगो विकासको आधार, सबैका लागि मानव अधिकार भन्ने मुल नाराका साथ काठमाडौँको भृकुटी मण्डपबाट सुरू ¥याली शान्तिबाटिकामा गएर समापन गरिएको थियो ।
