गुलरिया नगरपालिकाकी १५ वर्षीया बालिकालाई बलात्कार गरेको आरोपमा प्रहरीले असोज २५ गते साथीको घरमा सुतिरहेको अवस्थामा २५ वर्षीय दाजुलाई मङ्सिर १४ गते गिरफ्तार गरेको छ ।
बलात्कार गरेको कसैलाई भने काट्छु, मार्छु भनी धम्की दिँदै पीडितलाई घटनास्थलमा छाडेर फरार भएका थिए ।
घटनाको बारेमा कसैलाई भने मार्ने धम्की दिएका कारण पीडित बालिकाले केही महिनासम्म कसैलाई भन्न नसकेको पीडित पक्षले जनायो ।
पीडा दबाउन नसकी आफ्नी फुपूलाई जानकारी गराएपछि फुपूले जिल्ला प्रहरी कार्यालय बर्दियामा मङ्सिर १३ गते आरोपितविरूद्ध जाहेरी दिनुभएको थियो ।
घटनाको बारेमा सूचना पाएपछि जिल्ला प्रहरी कार्यालय बर्दियाका इन्स्पेक्टर लक्ष्मण ओलीको कमाण्डमा खटिएको प्रहरी टोलीले मङ्सिर १४ गते गिरफ्तार गरेको थियो ।
पीडित बालिकाको स्वास्थ्य परीक्षण जिल्ला अस्पताल गुलरियामा मङ्सिर १३ गते गरिएको छ ।