सरकारले चिकित्सा क्षेत्र सुधारको माग गर्दै १४ दिनदेखि महाराजगन्जस्थित त्रिवि शिक्षण अस्पतालमा आमरण अनसनरत प्रा. डा. गोविन्द केसीसँग सम्वाद गर्न दुई सदस्यीय वार्ता टोली गठन गरेको छ ।
वार्ताका लागि सरकारले मङ्सिर ११ गते शिक्षा मन्त्रालयका सचिव शान्तबहादुर श्रेष्ठको संयोजकत्वमा दुई सदस्यीय वार्ता टोली गठन गरेको हो । टोलीको अर्का सदस्यमा स्वास्थ्य मन्त्रालयका सचिव सैनेन्द्रराज उप्रेती रहेका छन् ।
डा. केसीले वरिष्ठताको आधारमा तत्काल आइओएमा डीन नियुक्त गरिनुपर्ने र नियुक्तिमा चलखेल गर्ने त्रिविवि उपकुलपति तीर्थ खनियालाई बर्खास्त गर्नुपर्ने प्रमुख माग राखी दसौँ पटकको आमरण अनसन थालेका थिए ।