१५ वर्षीया बालिकालाई बलात्कार गरेको कसुर ठहर गर्दै १७ वर्षीय बालकलाई जिल्ला अदालतले कात्तिक २७ गते आठ वर्ष कैदको फैसाला गरेको छ ।
न्यायाधीश रितेन्द्र थापाको इजलासले कसुर ठहर ठहर गर्दै बालकलाई बालसुधार गृहमा राख्न आदेश दिएको हो ।
पीडित बालिकालाई आरोपित बालकले ०७५ फागुन २५ गते बलात्कार गरेको भन्दै पीडित पक्षले चैत १ गते जिल्ला प्रहरी कार्यालयमा उजुरी दिएको थियो ।
आरोपितलाई प्रहरीले सोही दिन गिरफ्तार गरेको थियो । बलात्कारबाट गर्भवति बनेकी बालिकाको स्वास्थ्य परीक्षण ०७५ चैत १ गते राप्ती स्वास्थ्य विज्ञान प्रतिष्ठानमा गरिएको थियो ।