बोलाईसम्बन्धी अपाङ्गता भएकी ४५ वर्षीया महिलालाई असोज ३० गते बलात्कार गरेको आरोपमा धरान उमनपा–४, पत्रांबारीस्थित अस्थायी प्रहरी चौकीका इञ्चार्ज असई पिताम्बर अधिकारीलाई गिरफ्तार गरेको छ ।
बलात्कारको घटनाका सम्बन्धमा उजुरी परेपछि कात्तिक २ गते बिहान स्थलगत मुचुल्का पनि उठाइएको छ ।
धरान उमनपा–४ का वडा सदस्य धनबहादुर कुलुङका अनुसार दुई दिनअघि नै इलाका प्रहरी कार्यालय तानिएका अधिकारीविरूद्ध बलात्कार घटनाको उजुरी परेपछि मुचुल्का उठाइएको हो । ‘बलात्कार गरेको ठाडो निवेदन परेपछि प्रहरी आएर मुचुल्का उठाएर गएको छ ।’–उनले भने ।
इलाका प्रहरी कार्यालयका इन्स्पेक्टर इश्वर वलीले घटनाबारे उजुरी आएको बताए । घटनाका सम्बन्धमा अनुसन्धान थालिएको उनको भनाई छ ।
पीडत महिलाको स्वास्थ्य परीक्षण कात्तिक २ गते धरानस्थित विपी कोइराला स्वास्थ्य विज्ञान प्रतिष्ठानमा गरिएको छ ।