१७ वर्षीया बालिकालाई असोज १६ गते यौन दुर्व्यवहार गरेको आरोपमा प्रहरीले गोडैता नपा–१० सिसौटिया टोल बस्ने १९ वर्षीया धिरज चौधरीलाई सोह दिन गिरफ्तार गरेको छ ।
पीडित पक्षले आरोपित चौधरीलाई घटनास्थलबाटै नियन्त्रणमा लिई इलाका प्रहरी कार्यालय गोडैतामा खबर गरी बुझाएको पीडित बालिकाका बाबुले बताए ।
आरोपित चौधरीलाई गिरफ्तार गरिएको र घटनाको अनुसन्धान जारी रहेको इलाका प्रहरी कार्यालयका असई सुशीलकुमार सिंहले बताए ।
पीडित बालिकाको स्वास्थ्य परीक्षण गरिएको छैन भने पीडित पक्षले हालसम्म उजुरी नदिएको प्रहरीले जनाएको छ ।