जण्डिस निको पार्न भन्दै पेट काटेर घाइते भएपछि उपचार गराइरहेका नीलकण्ठ नगरपालिका–९ झगरेका ३९ वर्षीय राजु मगरको मृत्यु भदौ ३० गते राति भएको छ ।
जण्डिसको बिरामी परेर नीलकण्ठ नगरपालिका–३ का ५५ वर्षीय गजबहादुर लामाकोमा उपचारका लागि गएका मगरको पेट झाँक्री गजबहादुर लामाले चिरेर रगत चुसेपछि गम्भीर बिरामी परेका थिए ।
जिल्ला अस्पालमा २४ गते भर्ना भएका मगरलाई भदौ २५ गे जिल्ला अस्पतालले काठमाडौँस्थित वीर अस्पालमा थप उपचारका लागि पठाइएको थियो । तर, उनको उपचार जिल्ला अस्पतालमा नै गरिएको थियो । पीडित पक्षले आरोपितविरूद्ध जिल्ला प्रहरी कार्यालयमा भदौ २५ गते उजुरी दिएको थियो ।
बिरामीको अवस्था गम्भीर भएको र जण्डिसले कलेजो विग्रिएको बेला पेट समेत काटेपछि थप बिरामी परेका घाइते भएका मगरको उपचारकै क्रममा मृत्यु भएको जिल्ला अस्पालका सूचना अधिकारी विक्रम बिकले जानकारी दिए ।
रोग निको पार्न झाँक्रीले ८ हजार ३ सय ८० रुपियाँ रकम समेत लिएर झाँक्रीले भदौ १५ गते पेट चिरेको बिरामीको पत्नी विमला मगरले बताइन् ।
प्रहरीले आरोपितलाई गिरफ्तार गरेको छैन । घटना सम्बन्धमा जिल्ला प्रहरी प्रमुख राजकुमार वैदवारले पीडित पक्षले किटानी उजुरी नदिएको जानाकारी दिँदै अनुसन्धानपछि मात्र आरोपितलाई हिरासतमा लिन सकिने बताए ।