बीरगंज महानगरपालिका–१० घडिअर्वाकी २२ वर्षीया मनु चौधरीलाई छुरा प्रहार गरेको आरोपमा २४ वर्षीय पति रोशन कुमार गुप्तालाई प्रहरीले साउन १४ गते गिरफ्तार गरेको छ ।
छुरा प्रहारबाट घाइते भएकी कान्छी पत्नी मनुको बीरगंजको नारयाणी अस्पतालमा उपचार हुन नसके पछि बीरगंजको नेशनल मेडिकल कलेजमा उपचार भइरहेको छ ।
आरोपित गुप्ताले पत्नी चौधरीलाई घुमाउनका लागि बीरगंज महानगरपालिका–१५ भिषूवा डाडामा लगेका थिए ।
डाडामा रहेको झाडीमा लगेर धारिलो हतियार (छुरा) ले घाँटी रेटी घाइते बनाएको आरोप छ । आरोपित गुप्ता भाग्न खोज्दा प्रहरीले नियन्त्रणमा लिई अनुसन्धान गरिरहेको जिल्ला प्रहरी कार्यालय डिएसपी अनन्त राम शर्माले बताए ।