७१ वर्षीय महिलाललाई बलात्कार गरेको कसुर ठहर गर्दै जिल्ला अदालतले असार ९ गते दैलेख जिल्ला नौमुले स्थायी घर भई जुनिचाँदे गाउँपालिका–७ जुर्कमा बस्दै आएका ४३ वर्षीय जगतबहादुर रानालाई १२ वर्ष कैदको फैसला गरेको छ ।
न्यायाधीश देवकुमार गिरीको इजलासले कसुर ठहर गर्दै १२ वर्ष कैद र २० हजार रुपियाँ जरिवानाको फैसला सुनाएको जिल्ला अदालत जाजरकोटले जनाएको छ ।
पीडित महिलालाई रानाले ०७५ पुस ५ गते बलात्कार गरेको भन्दै पीडित पक्षले ०७५ पुस १९ गते उजुरी दिएको थियो ।
प्रहरीले आरोपितलाई ०७५ पुस २२ गते गिरफ्तार गरेको थियो । पीडित महिलाको स्वास्थ्य परीक्षण पुस १९ गते जिल्ला अस्पताल जाजरकोटमा गरिएको थियो ।