२२ वर्षीया महिलालाई बलात्कार गरेको आरोपमा खडग नपा–३ पंसेराका ३५ वर्षीय ओपेन्द्र भनिने उपेन्द्र राम मोचीलाई सप्तरी जिल्ला अदालतले असार ६ गते पाँच वर्ष कैद सजायको फैसला गरेको छ ।
न्यायाधीश सुदर्शन लामिछानेको इजलाशले आरोपितविरूद्धको अभियोग दावी पुग्ने भन्दै पाँच वर्ष कैदसजायको फैसला गरेको अदालतले जनाएको छ ।
आरोपितले ०७४ साउन १ गते राति पीडितको कोठामा प्रवेश गरी बलात्कार प्रयास गरेको आरोपमा कैदसजायको फैसला गरिएको फाँटका कर्मचारी राजेश चौधरीले जानकारी दिए ।
पीडित महिलाले ०७४ साउन ४ गते इलाका प्रहरी कार्यालय कडरबोनामा दिएको उजुरी सोही दिन दर्ता गरी आरोपितलाई गिरफ्तार गरेको थियो ।
पीडित महिलाको स्वास्थ्य परीक्षण ०७४ साउन ४ गते लहानस्थित रामकुमार उमाप्रसाद स्मारक अस्पतालमा गरिएको थियो । जिल्ला अदालतको आदेशमा आरोपित साउन २५ गतेदेखि राजविराज कारागारमा थुनामा छन् ।