१२ वर्षीया बालिकालाई बलात्कार गरेको कसुर ठहर गर्दै जिल्ला अदालतले जेठ २४ गते घोराही उपमनपा–१० का २३ वर्षीय दिपेश पाण्डेलाई १० वर्ष कैदको फैसला गरेको छ ।
न्यायाधीश हेमन्त रावलको इजलासले १० वर्ष कैद र पीडितलाई ५० हजार रुपियाँ क्षतिपुर्ति उपलब्ध गराउने फैसला गरेको जिल्ला अदालतले जनाएको छ ।
पीडित बालिकालाई आरोपितले ०७५ साउन ३० गते बलात्कार गरेको भन्दै पीडित पक्षले साउन ३१ गते इलाका प्रहरी कार्यालय भालुवाङमा उजुरी दिए पछि प्रहरीले आरोपितलाई भदौ २ गते गिरफ्तार गरेको थियो ।
पीडित बालिकाको स्वास्थ्य परीक्षण साउन ३१ गते लमही अस्पतालमा गरिएको थियो ।