कल्याणपुर नपा–८ की २२ वर्षीया कञ्चनदेवी मण्डललाई २४ वर्षीय पति बेचन मण्डलले घरायसी विवादमा वैशाख १२ गते शरिरमा मटितेल छर्केर आगो लगाई हत्या प्रयास गरेका छन् ।
पीडित महिलाको प्राथमिक उपचार मिर्चैयास्थित मङ्गलम अस्पतालमा भएपनि थप उपचारको लागि तत्कालै धरानस्थित विपि कोइराला स्वास्थ्य विज्ञान प्रतिष्ठान लगिएको र त्याहाँ पनि उपचार सम्भव नभएपछि थप उपचारका लागि काठमाडौँ लगिएको पीडित परिवारले जनाएको छ ।
इलाका प्रहरी कार्यालय मिर्चैयाका डिएसपी सुकदेव खनालका अनुसार घटनाको जानकारी हुनासाथ पीडितलाई उद्धार गरी थप उपचारको लागि प्रहरीको निगरानीमा धरान पठाएको बताए ।
आरोपित बेचन मण्डल फरार रहेकाले खोजतलास भइरहेको र घटना अनुसन्धानको लागि पीडितकी ४० वर्षीया सासू सुरजी खत्वेलाई सोधपुछको लागि प्रहरी निगरानीमा राखेको डिएसपी खनालले बताए ।