११ वर्षीया बालिकालाई यौन दुर्व्यवहार गरेको आरोपमा धनगढीमाई नपा–५ का २७ वर्षीय दिपेन्द्र सिंहलाई इलाका प्रहरी कार्यालय लहानले चैत १२ गते गिरफतार गरेको छ ।
पीडित परिवारका अनुसार आरोपित र उनका साथी गोलबजार नपा वडा नखुलेको २७ वर्षीय रविन्द्र साहले चैत १० गते बालिकालाई यौन दुर्व्यवहार गरेको आरोपमा चैत १२ गते इलाका प्रहरी कार्यालय लहानमा उजुरी दिएका थिए ।
पीडित बालिकाको स्वास्थ्य परीक्षण जिल्ला अस्पताल सिरहामा चैत १२ गते गरिएको थियो । इलाका प्रहरी कार्यालय लहानका डिएसपी राजेश थापाका अनुसार आरोपित सिंहलाई गिरफ्तार गरी आवश्यक कारवाही प्रक्रिया अगाडि बढाएको र एक जना फरार रहेकाले खोजतलास भइरहेको छ ।