१४ वर्षीया बालिकालाई बलात्कार गरेको कसुरमा मोरङ जिल्ला अदालतले उर्लावारी नगरपालिका–१ मेचेडाँगीका २९ वर्षीय दिनेश माझीलाई १८ वर्ष कैद सजायको फैसला सुनाएको छ ।
जिल्ला अदालतका न्यायाधीश चित्रबहादुर गुरुङको ०८३ असार १६ गतेको इजलासले आरोपितलाई कसुर सजायसँगै ७ लाख रुपियाँ जरिबाना र ५ हजार रुपियाँ पीडितलाई कसुरदारबाट क्षतिपूर्ति भराउन आदेश भएको अदालतका सूचना अधिकारी हेमबहादुर बुढाथोकीले बताउनु भयो ।
बालिकालाई ०८२ चैत ३० गते बलात्कार गरेको ०८३ वैशाख १ गते पीडित पक्षले आरोपितविरुद्ध इलाका प्रहरी कार्यालय उर्लावारीमा उजुरी दिएको थियो ।
पीडित पक्षको उजुरीका आधारमा प्रहरीले आरोपिताई सोहीदिन गिरफ्तार गरी जिल्ला अदालतमा वैशाखा २१ गते बलात्कार शीर्षकमा मुद्दा दर्ता गरेको थियो ।
जिल्ला अदालतका न्यायाधीश मेघनाथ चापागाईको ०८३ वैशाख २२ गतेको इजालासले आरोपितलाई पुर्पक्षका लागि थुनामा पठाएको थियो ।
पीडित बालिकाको स्वास्थ्य परीक्षण मंगलवारे अस्पतालमा ०८३ वैशाख ३ गते गरिएको थियो ।