१२ वर्षीया बालिकालाई बलात्कार गरेको कसुरमा जिल्ला अदालत पाल्पाले रैनादेवी छहरा गाउँपालिका–८ खुर्सानेका ३० वर्षीय शिवबहादुर घिमिरेलाई एक वर्ष चार महिना १५ दिन कैदको फैसला गरेको छ ।
जिल्ला अदालतका न्यायधीश हरिप्रसाद शर्मा उपाध्यायको असार १२ गतेको इजलासले आरोपितलाई आंशिक कसुर ठहर गर्दै एक वर्ष चार महिना १५ दिन कैद, १५ हजार रुपियाँ जरिवाना र ५ लाख रुपियाँ क्षतिपूर्तिको फैसला गरेको जिल्ला अदालतका श्रेस्तेदार केशव पराजुलीले जाकारीदिनुभयो ।
आरोपितले बालिकालाई ०८२ वैशाख १८ गते बलात्कार गरेको भन्दै पीडित पक्षले वैशाख ३१ गते जिल्ला प्रहरी कार्यालय पाल्पामा उजुरी दिएका थिए । प्रहरीले आरोपितलाई वैशाख ३१ गते घरबाटै गिरफ्तार गरेको थियो । जिल्ला अदालत पाल्पाका तत्कालीन न्यायधिश दल बहादुर केसीको इजलाशले ०८२ जेठ १८ गते आरोपितलाई पर्पुक्षका लागि थुनामा पठाएको थियो । पीडितको स्वास्थ्य परीक्षण वैशाख ३१ गते पाल्पा अस्पतालमा भएको थियो ।