२७ वर्षीया महिलालाई सामाजिक सञ्जालमा चरित्र हत्या गरेको कसुरमा जिल्ला अदालत रुपन्देहीले लुम्बिनी साँस्कृतिक नगरपालिका–११ का २५ वर्षीय ईरफान भन्ने इरफाउल्लाह खानलाई २० हजार रुपियाँ जरिबाना गर्ने फैसला गरेको छ ।
जिल्ला अदालतका न्यायाधीश रमेशकान्त अधिकारीको ०८३ जेठ २० गतेको इजलासले आरोपितलाई कसुर ठहर गर्दै २० हजार रुपियाँ जरिबाना, ७ हजार रुपियाँ पीडितलाई क्षतिपूर्ति बापत भराई दिने र ८ सय रुपियाँ पीडित राहतकोषमा दाखिला गर्ने फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले पीडितलाई ०८२ जेठ १२ गते सामाजिक सञ्जालमा चरित्र हत्या गरेको भन्दै पीडित पक्षले जेठ २० गते इलाका प्रहरी कार्यालय लुम्बिनीमा विद्युतीय अपराध सम्बन्धी कसुरमा उजुरी दिनुभएको थियो । प्रहरीले आरोपितलाई जेठ २२ गते घरबाटै गिरफ्तार गरेको थियो ।