२५ वर्षीया महिलालाई हत्या गरेको कसुरमा जिल्ला अदालत रुपन्देहीले मृतकका पति २८ वर्षीय विशाल सुनारलाई एक वर्ष कैद सजाय गर्ने फैसला गरेको छ ।
जिल्ला अदालतका न्यायाधीश अशोक कुमार बस्नेतको वैशाख २७ गतेको इजलासले कसुर ठहर गर्दै आरोपितलाई एक वर्ष कैद सजाय, ३० हजार रुपियाँ जरिबाना, १ हजार २ सय रुपियाँ पीडित राहत कोषमा दाखिला गर्ने फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले पीडितलाई ०८२ जेठ १३ गते हत्या गरेको भन्दै पीडित पक्षले जेठ १४ गते जिल्ला प्रहरी कार्यालय, रुपन्देहीमा कर्तव्य ज्यान सम्बन्धी कसुरमा उजुरी दिएका थिए । प्रहरीले आरोपितलाई जेठ १८ गते घरबाटै गिरफ्तार गरेको थियो । शवको पोष्टमार्टम जेठ १८ गते लुम्बिनी प्रादेशिक अस्पताल बुटवलमा भएको थियो ।