नरहा गाउँपालिका–३ की ५० वर्षीया वौवावती महतोलाई कथित बोक्सीको आरोप लगाई कुटपिट गरेको आरोपमा सोही ठाउँका ५५ वर्षीय धामी सुकन मण्डललाई इलाका प्रहरी कार्यालय मिर्चैयाले फागुन ५ गते गिरफ्तार गरेको छ ।
पीडित परिवारका अनुसार सोही ठाउँका ६० वर्षीया झौलीदेवी सदा, १९ वर्षीय सञ्जित सदा, ५५ वर्षीय सुकन मण्डल र दुई जना नाम नखुलेका महिलाहरूले माघ २४ गते कथित बोक्सीको आरोप लगाई कुटपिट गरेको आरोपमा इलाका प्रहरी कार्यालय मिर्चैयामा फागुन १ गते उजुरी दिइएको थियो ।
पीडित महिलाका अनुसार आरोपितहरूको परिवारले आफूलाई र सञ्जितलाई बोक्सी लगाई बिरामी पारेको भन्दै ठिक पार नत्र आगो लगाइदिन्छु भन्दै कुटपिट गरेको बताइन् ।
२० दिनदेखि आरोपित सञ्जित सदा बिरामी परेको र धामी झाँक्री लगाउँदा पीडित बोक्सी भएको भन्ने धामीबाट जानकारी भएपछि उनलाइ मेरो छोरा ठिक पारी दिन अनुरोध मात्र गरेको कुटपिट नगरेको आरोपित सञ्जितको आमा जिबछी सदाले बताइन् । अन्य आरोपितहरू फरार रहेकोले खोजतलास भइरहेको डिएसपी खनालले