२२ वर्षीया महिलालाई बलात्कार गरेको कसुरमा जिल्ला अदालत रुपन्देहीले लुम्बिनी साँस्कृतिक नगरपालिका–४ का २६ वर्षीय अब्दुल सपुतलाई सात वर्ष कैदको सजायको फैसला गरेको छ ।
जिल्ला अदालतका न्यायाधीश इश्वर पराजुलीको ०८२ पुस २४ गतेको इजलासले आरोपितलाई कसुर ठहर गर्दै सात वर्ष कैद, ३ लाख जरिबाना बापत असुल गर्ने र ५० हजार रुपियाँ क्षतिपूर्ति बापतको रकम पीडितलाई भराई दिने फैसला गरेको जिल्ला अदालतका सूचना अधिकारी पदम अर्यालले जानकारी दिनुभयो ।
आरोपितले पीडितलाई ०८१ असार ४ गतेदेखि असार ८ गतेसम्म बलात्कार गरेको भन्दै पीडित पक्षले ०८१ असार ८ गते जिल्ला प्रहरी कार्यालयमा उजुरी दिएकोे थियो । प्रहरीले आरोपितलाई ०८१ असार ८ गते घरबाटै गिरफ्तार ग¥यो । पीडितको स्वास्थ्य परीक्षण ०८१ असार ८ गते भिम अस्पताल भैरहवामा गरिएको थियो ।