१६ वर्षिया बालिकालाई बलात्कार गरेको कसुरमा जिल्ला अदालतले बेनी नगरपालिका–५ का २२ वर्षीय सिर्जन बहादुर खत्रीलाई १० वर्ष कैद सजायको फैसला गरेको छ ।
जिल्ला अदालतका न्यायाधिश सूर्यबहादुर थापाको पुस १४ गतेको इजालसले आरोपितलाई १० वर्ष कैद, ५ लाख रुपियाँ जरिबाना, ५० हजार रुपियाँ क्षतिपूर्ति र २० हजार रुपियाँ अपराध पीडित संरक्षण ऐन २०७५ को दफा ४१ बमोजिम पीडित संरक्षण कोषमा दाखिल गर्ने फैसला गरेको छ । यस अघि न्यायाधिश सूर्यबहादुर थापाको पुस १ गतेको इजालसले आरोपितलाई कसुर ठहर गर्दै सजाय निर्धारणका लागि पेश गर्ने आदेश दिएको थियो ।
आरोपितले बालिकालाई ०८२ जेठ १४ गते बलात्कार गरेको भन्दै पिडीत पक्षले साउन १४ गते जिल्ला प्रहरी कार्यालय म्याग्दीमा उजुरी दिएको थियो । पिडीत पक्षको उजुरीका आधारमा प्रहरीले सोही दिन आरोपितलाई गिरफ्तार ग¥यो । प्रहरीले जिल्ला सरकारी वकिल कार्यालय मार्फत जबरजस्ती करणी शिर्षकमा ०८२ भदौ ६ गते जिल्ला अदालत म्याग्दीमा मुद्धा दर्ता ग¥यो । अदालतले सोही दिन पुर्पक्षका लागि थुनामा पठाउने आदेश दिएको थियो ।