१४ वर्षीया बालिकालाई तिरहुत गाउँपालिका–४ लोहजराका १८ वर्षीय चतुरलाल मण्डलले अपहरण गरी बलात्कार गरेको आरोपमा इलाका प्रहरी कार्यालय कञ्चनरुपमा पुस १ गते उजुरी दर्ता गरिएको छ ।
पीडितका बुवाले इलाका प्रहरी कार्यालय कञ्चनरुपमा मङ्सिर २८ गते दिएको उजुरी दर्ता गरी पीडितको स्वास्थ्य परीक्षण गरिएको इन्स्पेक्टर प्रतिक विष्टले जानकारी दिए ।
आरोपितले ललाइफकाई अपहरण गरी मङसिर ४ गते बलात्कार गरेको पीडित पक्षले दिएको उजुरीमा उल्लेख छ ।
पीडित बालिकाको राजविराजस्थित गजेन्द्रनारायण सिंह सगरमाथा अञ्चल अस्पतालमा मङ्सिर २८ गते स्वास्थ्य परीक्षण भएको अस्पतालले जनाएको छ । प्रहरीले आरोपित र सहयोगीको खोजी गरिरहेको जनाएको छ ।