आठ वर्षीया बालिका बलात्कार कसुर ठहर गर्दै जिल्ला अदालतले मङ्सिर २५ गते बबइ गाँउपालिका–६ का ६९ वर्षीय बुद्धिराम थापालाई पाँच वर्ष कैद फैसला गरेको छ ।
जिल्ला न्यायाधीश हेमन्त रावलको इजलासले पाँच वर्ष कैद र पीडितलाई ५० हजार रुपियाँ क्षतिपूर्ति भराउने फैसला गरेको हो ।
आरोपितले वैशाख १६ गते बलात्कार गरेको भन्दै पीडित पक्षले वैशाख १७ गते इलाका प्रहरी कार्यालय तुलसीपुरमा उजुरी दिएका थिए ।
प्रहरीले घटना लगत्तै आरोपितलाई गिरफ्तार गरेको थियो । पीडित बालिकाको स्वास्थ्य परीक्षण वैशाख १७ गते राप्ती उपक्षेत्रीय अस्पतालमा गरिएको थियो ।