इनरूवा नगरपालिकाका निमित्त प्रमुख प्रकाशकीय अधिकृत इन्द्रानन्द शाहलाई सोही नपा–४ का ३५ वर्षीय राजीव मेहताले मङ्सिर २५ गते कार्यकक्षमै दुर्व्यवहार गरेको आरोपमा कर्मचारीहरूले सेवा ठप्प पारेका छन् ।
राष्ट्रिय जनता पार्टीको नेता बताउने मेहताले ५७ वर्षीय इञ्जिनियरसमेत रहेका निमित्त प्रशासकीय अधिकृत शाहलाई घरको नक्सा पासको विषयलाई लिएर कुटपिट गरेको पीडित पक्षको आरोप छ ।
तोकिएको मापदण्ड भन्दा बाहिर गएर घरको नक्सा पास गर्न नसकिने भन्दा आरोपितले कुटपिट गरेको निमित्त प्रशासकीय अधिकृत शाहको भनाई छ ।
पीडित शाहलाई बिहान १० बजे कुटपिट गरेको र काम गर्ने वातावरण नभएको भन्दै १० ओटै वडा कार्यालयका काम ठप्प पारेको कर्मचारीले बताएका छन् ।
यसैबीच प्रहरीले कुटपिट घटनाका आरोपितलाई गिरफ्तार गरी अनुसन्धान थालेको जिल्ला प्रहरी कार्यालयका डिएसपी ज्ञानेन्द्र फूयालले बताए ।
कुटपिटबाट निमित्त प्रकाशकीय अधिकृत शाहको गाला सुन्निएको छ । साथीहरूले बचाएर मात्र आफू बाँचेको नत्र मारिदिने धम्कीसहित आक्रमण भएको पीडितको भनाई छ ।