झिमरूक गाँउपालिका–८ स्थित जनता माविका शिक्षक ३२ वर्षीय सिद्दिमान जिसीमाथि कुटपिट गरेको आरोपमा सोही ठाँउका वडा अध्यक्ष ३८ वर्षीय तुलस बस्नेतविरूद्ध कात्तिक २८ गते जिल्ला प्रहरी कार्यालयमा उजुरी दर्ता गरिएको छ ।
कात्तिक २० गते विद्यालय व्यवस्थापन समितिको बैठक चलिरहेको समयमा वडा अध्यक्ष र शिक्षकबीच विवाद हुँदा वडा अध्यक्षले पीडितको टाउकोमा प्रहार गर्दा घाइते भएको पीडित पक्षको आरोप छ । पीडित शिक्षकको उपचार जिल्ला अस्पताल बिजुवारमा भइरहेको प्रहरीले जनायो ।
पीडित शिक्षकले कुटपिट तथा सार्वजनिक ठाउँमा दुर्व्यवहार गरेको भन्दै कात्तिक २८ गते जिल्ला प्रहरी कर्यालयमा उजुरी दिएको डिएसपी निर्मल बुढाथोकीले बताए ।