आठ वर्षीया बालिकालाई बलात्कार गरी हत्या गरेको कसुरमा जिल्ला अदालत रुपन्देहीले मर्चवारी गाउँपालिका–१ सोनवर्षाका २३ वर्षीय अकवर अलि भन्ने अकवर अलि दर्जीलाई कसुर ठहर गर्दै जन्म कैदको फैसला गरेको छ ।
जिल्ला अदालतका न्यायाधीश अशोक कुमार बस्नेतको ०८२ साउन १३ गतेको इजलासले आरोपितलाई कसुर ठहर गर्दै जन्म कैद, ७ लाख रुपियाँ जरिबाना र सो रकम पीडितलाई भराइदिने, प्रतिवादीबाट थप १ लाख ५० हजार रुपियाँ पीडितलाई क्षतिपूर्ति बापत भराई दिने र २८ हजार रुपियाँ क्षतिपूर्ति शुल्क बापत कसुरदारबाट असुल गर्ने फैसला गरेको अदालतका सूचना अधिकारी पदम अर्यालले जानकारी दिनुभयो ।
आरोपितले बालिकालाई ०८० पुस १३ गते बलात्कार गरी हत्या गरेको भन्दै पीडित पक्षले पुस १४ गते इलाका प्रहरी कार्यालय, मर्चवारमा उजुरी दिएका थिए ।
पीडितको स्वास्थ्य परीक्षण पुस १४ गते भिम अस्पताल भैरहवामा गरिएको थियो । प्रहरीले आरोपितलाई पुस १४ गते मर्चवारबाटै गिरफ्तार गरेको थियो ।