नेत्रविक्रम चन्द (विप्लव) नेतृत्वको प्रतिबन्धित नेपाल कम्युनिष्ट पार्टीका कार्यकर्ता चन्द्रपुर नपा–२ खरियान डाडा निवासी ४० वर्षीय जमान सिंह वाइबालाई असार २३ गते साँझ प्रहरीले गिरफ्तार गरेको छ ।
चन्द्रपुर नपा—२ को वन क्षेत्रबाट प्रतिबन्धित विप्लव कार्यकर्ता वाइबालाई गिरफ्तार गरिएको इलाका प्रहरी कार्यालय चन्द्रनिगाहपुरका डिएसपी हेमबहादुर शाहीले बताउनु भयो ।
वाइबा विगतमा इलाका प्रहरी कार्यालयबाट चलेको ज्यान मार्ने उद्योग र हात हतियार खरखजाना मुद्दामा बारदात पश्चात फरार रहेका प्रतिवादी रहेकोले गिरफ्तार गरिएको डिएसपी शाहीले जानकारी दिनु भयो ।