२८ वर्षीया महिलालाई यौन दुर्व्यवहार गरेको आरोपमा प्रहरीद्वारा गिरफ्तार गरिएका जलजला गाउँपालिका–३ माझफाँटका २८ वर्षीय दिपक छन्त्याललाई जिल्ला अदालतले आठ वर्ष कैद सजाय सुनाएको छ ।
पर्वत जिल्ला अदालतले असार ११ गतेको इजालासबाट कसुर ठहरको फैसला गरी असार १५ गते आठ वर्ष कैदको सजाय निर्धारण गरेको हो ।
गत वैशाख १७ गते यौन दुर्व्यवहार गरेको भन्दै वैशाख १८ गते पीडित महिलाले प्रहरीमा उजुरी दिएकी थिइन् ।
पीडित महिलाको उजुरीकै आधारमा प्रहरीले वैशाख १८ गते नै आरोपितलाई गिरफ्तार गरी अदालतमा पेश गरेको थियो । पीडित महिलाको स्वास्थ्य परीक्षण सोही दिन पर्वत जिल्ला अस्पतालमा गरिएको थियो ।